مبارح قبل ما أنام تخيلت أنه ممكن في هذه اللحظة .. "أموت".. اه والله ما تحكوا ليش .. هيك اجى على بالي .. ليش لأ ؟؟!!
طبعا كلنا رح نموت .. لكن ... هل أنا جاهزة إني اموت الحين ؟؟!! انت جاهز؟؟ وانتي؟؟ طبعا شعوري لا يوصف ..!! حسيت بالخوف أو بالرهبة .. حسيت بشي غريـــب !! .. ياربي كيف الحين ممكن أقابل الله سبحانه وتعالى.. والله استحيت من إني ما رح أطلع من هالدنيا إلا بالقليل والقليل بس .... فكرت .. شو عملت في حياتي .. وشو ما عملت .. اكتشفت اني ولا شي ولا شي !! .. اكتشفت انه صلاتي معظمها مش بوقتها لظروف كتيرة والله وحده أعلم فيها .. بس المفروض كمان ما تعطلني عن صلاتي !!! طيب صله الرحم .. ياااااه يااااااااااااااااااااه من زمان ما كلمت حدا ولا زرت حدا .. أووووه .. عماتي خالاتي .. أعمامي وأخوالي .. والبنات وصاحباتي .. كنت دايما أحكي معهم .. انقطعت فجأة .. لأسباب كتيرة بس بالرغم من هيك أنا مقصرة بحقوقهم .. طيب يا إيمان وقيام الليل اللي كان ملجئي الوحيد !! يالله ياااااااااااالله ؟!! وأشياء كتير تانية .. حسيت بالخوف فعلا !!! لأنه فعلا هذا تقصير مني !!
طيب فكرت .. مين ممكن يحميني ؟؟ حكيت فلان .. لا لا كيف ممكن يشفع لي ما رح ينفعني ؟؟ طيب فلانه .. أوهذه فلانه بتحبني .. لكن .. مستحيل تفضلني على نفسها ؟؟!! طيب شو أعمل !! ياترى مش لازم نفكر شو نعمل ؟؟ لو فكرتــ/أو فكرتــي أنه شو الأشياء اللي عملتيها وممكن تدخلنا على الجنة .. بتقدر// ــي تجمع//ــي أشياء كتيرة؟؟ لو كل شخص حاسب نفسه على الأشياء اللي بيعملها .. أكيد رح تتغير أشياء كتيرة في حياتنا .. !!
لاحظوا أنه لا ملجأ من الله إلا إليه .. وأنه هو الوحيد القادر على انه يحمينا .. يحمي كل شخص من نفسه الأمارة بالسوء يغفر الذنوب ويمحو الخطايا .. الله سبحانه وتعالى أرحم على العبد من أي شيء آخر .. !! وأنه بالآخر يارب نكون من أصحاب الجنان .. وندخلها برحمة من الله سبحانه وتعالى .. لذلك لازم نسرع بالتوبة إليه ..... اللهم اغفر لنا وارحمنا وطهرنا وتب علينا .. اللهم طهر قلوبنا من البغضاء و الحقد والحسد .. ولا تجعل في قلوبنا غلاً للذين آمنوا .. اللهم لا ملجأ لنا منك إلا إليك فلا تردنا عن بابك ياااالله .. ياااا أرحم الراحمين !!
مممم أتمنى من كل شخص بيقرأ هالموضوع يدعيلي دعوة حلوة من قلبه .. حتى تحكيله الملائكة ولك مثل ذلك !!
ويارت كل شخص لما يمر من هنا يتذكر ويتخيل .. هذه الكلمات مش من يوميات محددة ولا لحدا معين .. لكن يارب تكون مفيدة للجميع .. لذلك نشرتها!!
ليست هناك تعليقات:
إرسال تعليق