حلى بارد

~

ْ

~

اليوم عملت 2 حلى باردين ولزيـــــــــزين على السريع

.. رح أنزل الطريقة هنا .. للي حابب يعملهم ..

لأنه عنجد بتشهي !!

وأنا ما دخلني لو حدا شافها وهو صايم

بالنسبة للصور .. صورت الخطوات بس مش راضيين ينبعتو

لذلك حاااليا رح أنزل الصور من الانترنت :)

أول شي المقادير :

ظرفين دريم ويب - علبة قشطة

3 حبات جبنة كيري أو مثلثات

"بينفع أي نوع منهم وبصراحة بالأول ما كنت أحطهم بس بيعطوا طعم كويس"

3 ملاعق حليب بودرة - ونص علبة حليب مركز

الطريقة :

بنخلطهم بآلة الكيك أو أي خلاط عنا

و بنكون طاحنين بسكويت شاي وموزعينه بأطباق التقديم بس في ناس بيخلطوه بالزبدة .. أنا عملته بالحليب المركز أزكى

و بنضيف خلطتنا على البسكوت

طيب .. الحين للتزيين .. بينفع نزين بأي شي بنحبه

أنا اليوم عملت وحدة بالشيكولاته السائلة والتانية بطبقة فيمتو

و ممكن نزينها بالفستق المطحون أو بسكويت مطحون أو سكر الكريم كراميل الجاهز

للي حابب يعمل طبقة الفيمتو .. بتروحو بتعملو كاسة عصير فيمتو بس بدون سكر .. عادي متل اللي بتشربوها على الفطور و ملعقتين نشا وكلهم على النار بنحركهم لحتى تصير طبقة متماسكة و سميكة و نسكبها على الخليط الأول >> متذكرينه ؟ ^_^

وبس .. بنخليها بالتلاجة شويوونة .. انتو ومدى قدرتكم على التحمل .. و بناكلها بالهنا والعافية ..!!

هي بالشيكولاته

وهي بالفراولة .. بالفيمتو زيها تقريباً

الصور من الانترنت ..