وما راحة القلب إلا بالصلاة ...

هي : أوف أنا مكتئبة وزعلاااانة .. اوووووف .. وبعدين من هيك وضع !!!

صحبتها : ليش طيب ايش اللي صاير ؟؟

هي : هذا تاني أسبوع ما أصلي فيه الفجر حاضر .. بصليها بعد شروق الشمس !!! طيب شو أعمل ؟؟!!

صحبتها : ممممم ليش ؟؟ أكيد بتسهري

هي : بصراحة لو سهرت أو ما سهرت .. ما بقدر أقوم .. ما خليت وسيلة إلا وعملتها .. أمي يا حرام تعبت معي وأنا بخلي المنبه يرن ويرن ويرن على صلاة الفجر .. المشكلة بطفيه وبنام .. والله حاولت بأكتر من طريقة !!

صحبتها : إذاً إنتي نومك ثقيل .. والمشكلة فيكي
هي : أبدا والله نومي كتيييير خفيف .. لدرجة إني بصحى على أي شي تاني .. تخيلي إذا انفتح باب الغرفة على طول بصحى في أي وقت إلا على الفجر؟؟!!!

صحبتها : رح أحكيلك الحل ... لكن ما عليكي إلا إنك تطبقيه وتدعيلي ...

هي : إحكي أشوف .. يمكن ينفع معي ..

صحبتها : أربع آيات لو قرأتيهم قبل ما تنامي أكيد رح تصحي مهما صار .. طبعا مع وجود النية .. هذه الآيات هي آخر أربع آيات من سورة الكهف ..

بسم الله الرحمن الرحيم : إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلًا ، خَالِدِينَ فِيهَا لَا يَبْغُونَ عَنْهَا حِوَلًا ، قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا ، قُلْ إِنَّمَا أَنَا بَشَرٌ مِّثْلُكُمْ يُوحَى إِلَيَّ أَنَّمَا إِلَهُكُمْ إِلَهٌ وَاحِدٌ فَمَن كَانَ يَرْجُو لِقَاء رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا.

هي جربتها وصارلها فترة طويلة بتصلي الفجر بوقتها .. الحمد لله والله يجزي صاحبتها الخير .. و يرزقها من حيث لا تحتسب ... ما بتتخيلوا كم هي فرحااااااانة بالتغير اللي صار الحمد لله الحمد لله على الأقل ما في كوابيس وأحلام مزعجة وبتصحى على الصلاة .. والله يجزي اللي كان السبب عني خير الجزاء .. يارب يااارب يثبتنا على الطريق الصحيح .. ويغفرلنا ذنوبنا

وما راحة القلب إلا بالصلاة ...

ههههههههه هذا شوي من الواقع ^^"