كل عام وانا بخير

في متل هاليوم من سنة 1987

تحديداا  الساعة 10 صباحاً ..

اجيت على هالدنيا ..

:)

واليوم صار عمري 22 سنة

:)

22 سنة مروا بسرعة

بتذكر إني عملت شوية أشياء مفيدة

ووو استمتعت و انجزت كم شغلة .. درست .. تفوقت .. وهيني اشتغلت ..

عندي صاحبات كتار .. بحبهم و الحمد لله قضيت معهم أحلى أيام حياتي ...

بحب أهلي خواتي واخواني .. والناس اللي حوليا  .. ممممم حاولت أتعامل مع الجميع بمنطقية واحترام

عشت أيام حلوة .. صحيح إنه مريت بأيام ضايقتني لكن لا تذكر بالنسبة للأيام التانية ..

الله الحمد لله أعطاني كتير .. فضلني على غيري بكتير أشياء الحمد لله..

 يارب تكون هالسنة خير عليا ..

 أقدر أحقق الأشياء اللي بتمناها ..

وأكون أقرب لــ الله سبحانه وتعالى ..

و يارب الله يختم عمري بالأعمال الصالحة ..

هادي الكيكة اللي بحبها

تفضلواا

شكرااا لكل اللي تذكروني وبعتولي مسجات او ايميلات

شكرا لكل المنتديات والمواقع اللي بعتولي تهنئة  اكتشفت انه مسجلة بأشياء كتيــــــــــــــــــــــــر هههههههههههه

شكرا دمدومة عالمسج الحلوووو  .. حفوص على الهدية العسل  .. أمونة كمان عالمسج  ... سااااارة كمان الله يسعدك شكرا .. غدورة كمان .. . و لكلللل اللي هنوني

يارب الله يحقق أمانينا كلنا :)